Dalia Puotrienė - auksinių minčių autorė

                                                       Skėrta vyskopou Valončiou
Esam kėlė ėš gražiausės žemie vėitas
Tuos, kor vyskopa Valončio davė Lietova ont omžiū.
Priš do omžius ons grūmuojė, so šnapšė nebus rytuojaus
Vo, nu pypkėninkū muonū, nukėnt nikuo dietė žmuonis.
Šnapšės gertė namieginkit, da ė vakus prisaikdinkėt.
Aple duora ė teisybė paskaitykėt vakū knyguo.
Vo tėn daug kas kam notėka, bet grieks naplakts nepalėka:
Proncė – paukštvanagis bova, pėrma laika ė pražova,
Petrė žvėrblatius dabuojė.
Bet...aplinkou kas nedaruos: vėinis pjaunas, kėtė karas.
Anou dėina čia Nasrienus, pėjuoks nosisoka strienas.
Samaguona daug kas vara, vakaa kėik ėškadū dara.
Ka rokoujas -  ne žemaite, vo Amerikas aukštaite.
Pc, kt, tj, la – esi kėits je ėšmana.
Mergas keikas, dergas, rūka – tuokės pasiotmariem laikee.
Vėituo gražiu vakarieliū – bombatrėnė jaunimelė.
Vyskop, pats sakes sotinos ė po smertė būt naudingo,
Kažėn, kon to besakytom, gimtas vėitas je lonkytom.
Tava garbee oužoulyna posė Lietovuos svadėna,
Ė paminkla dėdėliausii, dėdem vyrou kap priklausa.
Kriaučios Jozė je atgytom, ėš tuo džiaugsma valcio tryptom,
Ka šėndėina, mūsa muokykluo, yr tavuoji dvasė gyva.
Kretinguos bibliuoteks sėinas, tava mėslės sauga šėndėin,
Ė puons Čiesna so šeimyno truopne sauga atmėnėma.
Sūdna dėina... daug kas saka.
Čystaa mūsa sviets patraka.
Jau ni mūsa gret nabrasės, sotėik stėpriuos sava dvasės.
Tegol tava, vyskop, žuodis, mums duorybės kelius ruodys.
Dėivė, douk mums nepavarrgtė, tuoki laikmeti ištvertė.
 

Dalia Puotrienė